პაულ ფონ ფრანკენი

დაბადების ადგილი: ქ. ობერბახემი, გერმანია.

სწავლობდა დიუსელდორფის სამხატვრო აკადემიაში.

1842-1845წწ. მისი ნამუშევრები გამოიფინა ბრიუსელსა და ანტვერპენში; 1846 წლიდან ცხოვრობს დრეზდენში და ასწავლის ხატვას; 1850 წელს იქორწინა თავის მოწაფე ჰელენ კიობერზე; 1853 წელს თავისი ნამუშევრები ქ. რიგაში გამოფინა; 1853 წელს იგი რუსეთის იმპერიის სახელმწიფო მრჩევლის ვლადიმერ სოლოგუბის დაკვეთით, კავკასიაში წარმოებული ბრძოლების აღსაბეჭდად, მეუღლესთან ერთად პეტერბურგის გავლით კავკასიაში გაემგზავრა და თბილისში დასახლდა; მათ იმოგზაურეს სამხრეთ კავკასიაში; 1861 წელს იგი ტოვებს თბილისს მეუღლის გარეშე და ბრუნდება გერმანიაში, ცხოვრობს გოდესბერგსა და დიუსელდორფში; 1884 წელს ავადმყოფი მხატვრის თხოვნით, მისი მეუღლე თბილისიდან დიუსელდორფში ჩადის, სდაც იგი მხატვრის გარდაცვალებამდე დარჩა; მხატვის გარდაცვალების შემდეგ ჰელენ კიობერ-ფრანკენი თბილისში დაბრუნდა და ჩამოიტანი ფრანკენის კავკასიის თემაზე შექმნილი ნამუშევრები, ბევრი მათგანი დღესაც ინახება კერძო და სახელმწიფო კოლექციებში; საქართველოში გატარებული წლები ფრანკენის შემოქმედებისთვის მნიშვნელოვანი აღმოჩნდა; იგი ხშირად მოგზაურობდა კავკასიის სხვადასხვა მხარეში, რამაც მეტად გაუღვივა ინტერესი კავკასიელთა ყოფისა და ადათ-წესებისადმი; სახელოვნებათმცოდნეო ლიტერატურაში პაულ ფონ ფრანკენი მოიხსენიება "კავკასიის მხატვრად". მას ასახული აქვს საქართველოს სხვადასხვა კუთხე, თბილისის ხედები, კავკასიელთა ტიპები, შესრულებული აქვს ეთნოგრაფიული სურათები. გერმანელი მხატვარი.

წყარო: გერმანელი მხატვრები და ქართული კულტურა / ნინო ჭოღოშვილი. ძველი ხელოვნება დღეს = Ancient art today / საქართველოს კულტურული მემკვიდრეობის დაცვის ეროვნული სააგენტო; საქართველოს კულტურისა და ძეგლთა დაცვის სამინისტრო.-თბილისი,2017.-N8.-გვ.-20-33; XIX-XX საუკუნეების გერმანელი მხატვრები საქართველოში = Deutsche Maler des 19. und 20. Jahrhunderts in Georgien : საქართველოს ეროვნ. მუზეუმის კოლექცია : გამოფენის კატალოგი.-თბ.,2011.-გვ.29-31