ვლადიმერ ლებანიძე

დაბადების ადგილი: სოფელი კვაშხიეთი, ახლანდელი ონის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტიტი 1938 წელს.

სსრ კავშირის საფინანსო აკადემიის დამთავრების შემდეგ (1952) იყო საქართველოს ფინანსთა სამინისტროს საბიუჯეტო სამმართველოს უფროსი, ქუთაისის ოლქის საფინანსო განყოფილების გამგე, 1953–1956წწ. საკავშირო დაუსწრებელი ფინანსური ინსტიტუტის თბილისის ფილიალის დირექტორი. 1956 წლიდან სიცოცხლის ბოლომდე მოღვაწეობდა თბილისის სახელმწიფო უნივერსიტეტში, იყო ეკონომიკის ფაკულტეტის ფინანსებისა და კრედიტის კათედრის პროფესორი, 1970–1976წწ. – ამავე ფაკულტეტის დეკანის მოადგილე, დეკანი. მან პირველმა დააარსა თბილისის სახელმწიფო უნივერსიტეტთან ნორჩ ეკონომისტთა სკოლა. მონაწილეობდა II მსოფლიო ომში. მიღებული აქვს საბრძოლო ორდენები და მედლები. არის სამეცნიერო ნაშრომების: მონოგრაფიებისა და სახელმძღვანელოების ავტორი. მისი სამეცნიერო კვლევის ძირითადი სფერო იყო პოლიტიკური ეკონომიის, ფინანსების თეორიისა და პრაქტიკის პრობლემები. ეკონომიკის მეცნიერებათა დოქტორი (1970), პროფესორი (1973)

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.315

• 1985 - საქართველოს მეცნიერების დამსახურებული მოღვაწე

• საქართველოს კოლმეურნეობათა წმინდა შემოსავალი და მისი გამოყენება (ავტორი). - თბილისი, თბილისის უნივერსიტეტის გამომცემლობა, 1981. - 95გვ.
• წარმოების ეფექტიანობის ამაღლების ფინანსური ბერკეტები (ავტორი). - თბილისი, საბჭოთა საქართველო, 1979. - 124გვ.
• სამეურნეო რეფორმა და რენტაბელობა (ავტორი). - თბილისი, საბჭოთა საქართველო, 1967. - 41გვ.
• საქართველოს სსრ კოლმეურნეობათა წმინდა შემოსავალი და მისი გამოყენება (ავტორი). - თბილისი, საბჭოთა საქართველო, 1966. - 39გვ.