ვლადიმერ ლემონჯავა

დაბადების ადგილი: ქ. ზესტაფონი.

დაამთავრა თბილისის სახელმწიფო სამხატვრო აკადემია 1928 წელს (პედაგოგები - გ. გაბაშვილი, ე. ლანსერე).

მონაწილეობდა გამოფენებში, მათ შორის საქართველოს რევოლუციონერ მხატვართა ასოციაციის ("სარმა") გამოფენაში (1930, თბილისი), სადაც წარმოდგენილი იყო მისი ნახატები – "დემონსტრაციის დარბევა" და "არსენ ჯორჯიაშვილი". მოღვაწეობდა გრაფიკის დარგშიც, კერძოდ, შექმნა ს.-ს. ორბელიანის "სიბრძნე სიცრუისას" ილუსტრაციების სერია (1957–1958, აკვარელი). მისი ნამუშევრები ინახება შ. ამირანაშვილის სახელობის ხელოვნების მუზეუმში, დ. შევარდნაძის სახელობის ეროვნულ გალერეაში. ფერმწერი, გრაფიკოსი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.332

• საქართველოს დამსახურებული მხატვარი