
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

შალვა ლიაძე

Date of birth:	5 August, 1891
Date of death:	29 April, 1962 (at 70 years)
Category:	Engineer, Military Person

Biography

დაბადების ადგილი: გორის მაზრა.

დაამთავრა დონის (უკრაინა) პოლიტექნიკური ინსტიტუტი ინჟინერ-მელიორატორის სპეციალობით.

1914–1918წწ. მონაწილეობდა I მსოფლიო ომში; ევალებოდა ფრონტის ჰიდროტექნიკის ორგანიზება სპარსეთისა და თურქეთის ტერიტორიებზე; მუშაობდა საქართველოს წყალთა მეურნეობის სისტემაში; 1918–1923წწ. იყო გორის წყალთა მეურნეობის სამმართველოს უფროსი; ხელმძღვანელობდა დოესი-გრაკლისა და სკრა-ქარელის არხების, კასპის რაიონში მტკვარზე ხიდის მშენებლობას; 1923–1933წწ. ტირიფონის სარწყავი სისტემის დაპროექტებასა და მშენებლობას ტირიფონის ველზე, სოფელ ხურვალეთთან არსებული ისტორიული ძეგლის, თამარ მეფის დროინდელი "რუსხუმალას", ანუ მიწაყრილში გაყვანილი სარწყავი არხის მონაკვეთის აღდგენას; 1937–1950წწ. მუშაობდა ტროპიკულ სნეულებათა ინსტიტუტში, სადაც დიდი წვლილი შეიტანა მალარიის წინააღმდეგ ბრძოლის საქმეში; 1950-1959წწ. "საქსახწყალპროექტში" მუშაობის დროს აქტიურად მონაწილეობდა სამგორის, აგრეთვე ტაშისკარისა და მუხრანის ველის სარწყავი სისტემების, კოლხეთის დაბლობზე დამშრობი არხების, ჭოროხისა და ცხენისწყლის მარეგულირებელი ნაგებობებისა და სოფლის წყალსადენების პროექტების შედგენაზე; 1959 წლიდან ეწეოდა ნაყოფიერ პედაგოგიურ საქმიანობას. სამელიორაციო საქმის ერთ-ერთი ფუძემდებელი საქართველოში.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.362

Awards and Honors

1951 - საქართველოს დამსახურებული ინჟინერი