ლარისა კევლიშვილი

დაბადების ადგილი: ქ. ბორჯომი.

დაამთავრა შოთა რუსთაველის სახელობის სახელმწიფო თეატრალური ინსტიტრუტის სამსახიობო ფაკულტეტი 1966 წელს.  

1961-1962 წლებში იყო ბორჯომის ბავშვთა დრამატული წრის ხელმძღვანელი; 1967 წლიდან რუსთაველის თეატრის მსახიობია; თამაშობდა სახასიათო და ეპიზოდურ როლებს, რომელთაგან აღსანიშნავია: ვირჟინი (ე. ლაბიშის "ჩალის ქუდი"), ელიკო (ლ. ქიაჩელის "გვადი ბიგვა"), ელზა (ა. მილერის "სეილემის პროცესი"), მოსწავლე (მ. პანიოლის, პ. ნივუას "ტოპაზი"), ჟუჟუნა (ო. იოსელიანის "სანამ ურემი გადაბრუნდება"), გლეხის გოგო (სულხან-საბა ორბელიანის "სიბრძნე სიცრუისა"), გულიკო (ა. ჩხაიძის "დაბრუნება"), გოგონა (მ. ჯავახიშვილის "ქალის ტვირთი"), სტუმარი (ბ. ბრეხტის "კავკასიური ცარცის წრე"), ხატისქალი (ი. ცურტაველის "შუშანიკის მარტვილობა"), მოქალაქე, მოსამსახურე (უ. შექსპირის "რიჩარდ III", "რომეო და ჯულიეტა"), პანოპე (ჟ. ანუის "ფედრა") და სხვა. გადაღებულია ფილმში: "ძაღლის ყნოსვა".

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.101; ეროვნული ფილმოგრაფია: geocinema.ge