ილია ბაბუციძე

დაბადების ადგილი: სოფელი ქვემო აჩაბეთი, ქურთის მუნიციპალიტეტი.

კადეტთა კორპუსის დამთავრების შემდეგ 4 წელი ქალაქ ხმელნიცკში, უკრაინის სასაზღვრო აკადემიაში სწავლობდა. საქართველოში დაბრუნების შემდეგ გირევში, ახმეტის მუნიციპალიტეტში გაანაწილეს, მსახურობდა ლაგოდეხშიც. შემდეგ  თავდაცვაში გადავიდა. მეხუთე ბრიგადაში მსახურობდა, ბათუმში, ბატალიონის კავშირგაბმულობის უფროსად. ბოლოს მეოთხე ბრიგადის 42-ე ბატალიონში იყო. ილია ბაბუციძე 9 აგვისტოს ორჯერ შევიდა ცხინვალში – დაჭრილებისა და დაღუპულების გამოსაყვანად. მესამედაც შევიდა თანამებრძოლებთან ერთად – ცხინვალის სამხრეთით, ნიქოზის მხარეს, ე.წ. შანხაის ტერიტორიაზე, მტერს მშენებარე სახლში ასეული ჰყავდა ალყაში. ალყა გაარღვიეს, სნაიპერმა არტერია დაუზიანა. ილია ბაბუციძე 9 აგვისტოსვე გადმოასვენეს გორში. 2008 წელს, მარილისის ქუჩას თბილისში, ილია ბაბუციძის სახელი ეწოდა. უფროსი ლეიტენანტი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010.-გვ.93-94

• 2008 - ვახტანგ გორგასლის I ხარისხის ორდენი (გარდაცვალების შემდეგ)