გიორგი მურადაშვილი

დაამთავრა გორის უნივერსიტეტის იურიდიული ფაკულტეტი.

მეორე კურსიდან უკვე სტაჟიორად მუშაობდა პოლიციაში, საგამოძიებო ნაწილში გამომძიებლის თანაშემწედ; უნივერსიტეტის დამთავრების შემდეგ პროკურატურის საგამოძიებო ნაწილში შესთავაზეს სტაჟიორად მუშაობა, მაგრამ სამხედრო ბილეთის უქონლობის გამო შეეშალა ხელი; დედისერთა იყო და გაწვევა არ ეხებოდა; ტესტირება წარმატებით გაიარა დაცვის პოლიციაში, მაგრამ მალე გორში სატანკო ბატალიონში გამოცხადდა ტესტირება, სადაც ჩააბარა; ჩაირიცხა სატანკო ბატალიონში. სატანკო ბატალიონში გამნაღმველთა ბატალიონში მოხვდა, შემდეგ საინჟინრო ბატალიონში გადაიყვანეს, შემდეგ საწყობიც ჩააბარეს (სანივთე საწყობი ებარა). ჯარში სულ 2 წელი იმსახურა. სწავლის გაგრძელებას სამხედრო აკადემიაში აპირებდა. დაიღუპა გორის სატანკო ბაზის დაბომბვისას. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010.-გვ.127-128

• 2008 - მედალი "მხედრული მამაცობისთვის" (გარდაცვალების შემდეგ)