გიორგი კოლხიტაშვილი

დაბადების ადგილი: ქ. გორი.

საქართველოს თავდაცვის სამინისტროს მესამე ქვეითი ბრიგადის 31-ე ბატალიონის ასეულის ჯარისკაცი. სამშობლოს სამსახურში ყოფნის გადაწყვეტილება 2008 წლის აგვისტოს რუსეთ-საქართველოს ომის დროს მიიღო. თავიდან ქართული არმიის რიგებში 33-ე ბატალიონში ჩაირიცხა. იმხანად ავღანეთში წასასვლელად 31 ბატალიონი ემზადებოდა, გ. კოლხიტაშვილი კი 33-ში ირიცხებოდა. ახალგაზრდა, სამხედრო მოსამსახურემ ავღანეთში წასასვლელად ენერგია და მონდომება არ დაიშურა, სპეციალური მომზადების კურსები საკუთარი სურვილით გაიარა, ყველა გამოცდას წარმატებით გაუძლო, 31-ე ბატალიონში გადავიდა. 2010 წელს "ISAF"-ის სამშვიდობო მისიით ავღანეთში გაემგზავრა. სამხედრო დავალების შესრულების დროს თავის ქართველ თანამებრძოლთან ერთად ჰელმანდის პროვინციაში ნაღმზე აფეთქდა. კაპრალი.

წყარო: გმირი, 2008-2018: ოთხოზორია-ტატუნაშვილი: 2008 წლის აგვისტოს ომში და სხვადასხვა მისიებში დაღუპული ქართველი ჯარისკაცების ისტორიები. - თბ.,2018.- გვ.303-304

• 2013 - ვახტანგ გორგასლის I ხარისხის ორდენი (სიკვდილის შემდეგ )
  საბრძოლო მამაცობისთვის