ნანა დარასელია

დაბადების ადგილი: ქ. სოხუმი.

დაამთავრა თბილისის დამოუკიდებელი უნივერსიტეტის - "იბერიას" იურიდიული ფაკულტეტი სამართალმცოდნეობის სპეციალობით 1998 წელს; თბილისის ი. ჭავჭავაძის სახელობის ენისა და კულტურის სახელმწიფო უნივერსიტეტის სინქრონული თარგმნის განყოფილება, ინგლისური ენის სპეციალობით 2001 წელს; 1999 წელს ჩააბარა მოსამართლის თანაშემწის სამთვიანი კურსი და სასწავლო პროგრამით გათვალისწინებული ტესტური გამოცდა; 2003 წელს ჩააბარა პროკურატურის მუშაკთა საკვალიფიკაციო გამოცდა; 2004 წელს ჩააბარა ადვოკატთა ტესტირება საერთო სპეციალიზაციით; 2005 წელს ჩააბარა მოსამართლეობის საკვალიფიკაციო გამოცდა.

2002-2003წწ. - აფხაზეთის ავტონომიური რესპუბლიკის უმაღლესი სასამართლოს ადმინისტრაციული სამართლისა და საგადასახადო საქმეთა სააპელაციო პალატის მთავარი სპეციალისტი; 2003-2004წწ. - აფხაზეთის ავტონომიური რესპუბლიკის უმაღლესი სასამართლოს სისხლის სამართლის საქმეთა სააპელაციო პალატის მოსამართლის თანაშემწე; 2004-2005წწ. - აფხაზეთის ავტონომიური რესპუბლიკის უმაღლესი სასამართლოს საერთო განყოფილების უფროსი; 2005-2007წწ. - აფხაზეთის ავტონომიური რესპუბლიკის უმაღლესი სააპელაციო სასამართლოს აპარატის უფროსი; 2006-2007წწ. - საქართველოს იუსტიციის უმაღლესი საბჭოს სამოსამართლო ეთიკისა და დისციპლინური სამართალწარმოების დეპარტამენტის კონსულტანტი; 2007-2010წწ. - მცხეთის რაიონული სასამართლოს მოსამართლე და მივლინებულ იყო თბილისის საქალაქო სასამართლოს ადმინისტრაციულ საქმეთა კოლეგიაში მოსამართლის უფლებამოსილების განსახორციელებლად; 2010-2019წწ. - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე; 2019 წლის ივლისიდან - თბილისის სააპელაციო სასამართლოს ადმინისტრაციულ საქმეთა პალატის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge