გოჩა აბუსერიძე

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის იურიდიული ფაკულტეტი 1996 წელს; 2007 წელს ჩააბარა ადვოკატთა და მოსამართლეობის საკვალიფიკაციო გამოცდები; იუსტიციის უმაღლესი სკოლა 2009 წელს; 2014 წლიდან სწავლობდა გრიგოლ რობაქიძის სახელობის უნივერსიტეტის დოქტორანტურაში.

1999-2002წწ. - საქართველოს შინაგან საქმეთა სამინისტროს საგამოძიებო დეპარტამენტის სამტრედიის რაიონული განყოფილების გამომძიებელი; 2002-2003წწ. - საქართველოს შინაგან საქმეთა სამინისტროს იმერეთის სამხარეო საგამოძიებო სამსახურის გამომძიებელი; 2003-2005წწ. - საქართველოს შინაგან საქმეთა სამინისტროს სამტრედიის საგამოძიებო სამსახურის უფროსის მოადგილე; 2005-2008წწ. - საქართველოს შინაგან საქმეთა სამინისტროს სამტრედიის რაიონული განყოფილების დეტექტივ-გამომძიებელი; 2009-2010წწ. - სოხუმისა და გაგრა-გუდაუთის რაიონული სასამართლოს მოსამართლე; 2010-2012წწ. - ქუთაისის საქალაქო სასამართლოს მოსამართლე და ამავდროულად, წყალტუბოს მუნიციპალიტეტის მაგისტრატი მოსამართლე; 2012 წლიდან - ა. წერეთლის სახელობის ქუთაისის სახელმწიფო უნივერსიტეტის მიწვეული სპეციალისტი; 2012 წლის თებერვლიდან ოქტომბრამდე მივლინების საფუძველზე მოსამართლის უფლებამოსილებას ახორციელებდა ქუთაისის სააპელაციო სასამართლოს ადმინისტრაციულ საქმეთა პალატაში და ამავდროულად, საჭიროების შემთხვევაში ქუთაისის საქალაქო სასამართლოში; 2012 წლის ოქტომბრიდან - ქუთაისის სააპელაციო სასამართლოს მოსამართლე; 2013-2017წწ. - ქუთაისის სააპელაციო სასამართლოს ადმინისტრაციულ საქმეთა პალატის თავმჯდომარე; 2017 წლის ოქტომბრიდან მოსამართლედ გამწესებულია უვადოდ, კანონით დადგენილი ასაკის მიღწევამდე; 2017-2020წწ. - ქუთაისის სააპელაციო სასამართლოს ადმინისტრაციულ საქმეთა პალატის მოსამართლე; 2020-2021წწ. - თბილისის სააპელაციო სასამართლოს ადმინისტრაციულ საქმეთა მოსამართლე; 2021-2022წწ. - საქართველოს იუსტიციის უმაღლესი საბჭოს წევრი. 2021 წლის ივლისიდან არჩეულია საქართველოს უზენაესი სასამართლოს მოსამართლედ უვადოდ, კანონით დადგენილი ასაკის მიღწევამდე. 2022 წლიდან - საქართველოს უზენაესი სასამართლოს სადისციპლინო პალატის წევრი.

წყარო: საქართველოს იუსტიციის უმაღლესი საბჭო: hcoj.gov.ge