პოლიკარპე კევლიშვილი

დაბადების ადგილი: სოფელი დვირი, ახლანდელი ბორჯომის მუნიციპალიტეტი.

დაამთავრა დუშეთის პრაპორშჩიკთა სკოლის კურსები 1916 წელს. 

1915 წელს მობილიზებული იყო რუსეთის იმპერიის არმიაში. მონაწილეობდა პირველ მსოფლიო ომში; 1918-1921წწ. იყო საქართველოს ჯარის პორუჩიკი, მეტყვიამფრქვეველთა რაზმის უფროსი; 1921 წლის მარტიდან მსახურობდა წითელ არმიაში; 1921-1922წწ. იყო აფხაზეთის საგანგებო კომისიის განსაკუთრებული დანიშნულების ბატალიონის მეთაური, გორის მაზრის სამხედრო კომისრის თანაშემწე; 1924 წლის მაისიდან მე-3 ქართული მსროლელი პოლკის ბატალიონის უფროსი; 1926 წლიდან მე-4 ქართული მსროლელი პოლკის უფროსის თანაშემწე და სამხედრო კომისარი; 1931 წლიდან  კავკასიის წითელდროშოვანი არმიის შტაბის მე-5 განყოფილების უფროსის მოადგილე; 1932 წლიდან იმავე განყოფილების უფროსი; 1933 წლიდან კავკასიის წითელდროშოვანი არმიის შტაბის სამხედრო მომზადების განყოფილების უფროსი. 1935 წლის თებერვალში დაინიშნა 1-ლი კავკასიური (შემდეგში მე-9 წითელდროშოვანი) სამთო-მსროლელი დივიზიის მეთაურად. 1937 წლის ივლისში დააპატიმრეს სამხედრო შეთქმულებაში მონაწილეობის ბრალდებით და მოგვიანებით დახვრიტეს. რეაბილიტირებულია 1957 წელს. ბრიგადის მეთაური (კომბრიგი,1935).

წყარო: სტალინური სიები საქართველოდან: nplg.gov.ge

• 1936 - წითელი დროშის ორდენი
• 1931 - შრომის წითელი დროშის ორდენი (საქართველოს სსრ)