მიხეილ ჩინჩალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 2000 წელს; ასპირანტურა - 2003 წელს; სწავლობდა თბილისის სახელმწიფო უნივერსიტეტის იურიდიული ფაკულტეტის დოქტორანტურაში; ჩაბარებული აქვს მოსამართლის თანაშემწის, პროკურატურის მუშაკთა და ადვოკატთა საკვალიფიკაციო გამოცდები საერთო სპეციალიზაციით; 2007 წელს ჩააბარა მოსამართლეთა საკვალიფიკაციო გამოცდა საერთო სპეციალიზაციით. 2004 წელს გადაეცა სერტიფიკატი კომპლექსურ ფინანსურ დანაშაულთა თემაზე; 2007 წელს პროკურატურის რეფორმის პროექტში მონაწილეობისთვის მიენიჭა ბრიტანეთის საბჭოს სერტიფიკატი; 2009 წელს მონაწილეობა მიიღო ბერლინის საერთაშორისო კონფერენციაში თემაზე - "მდგრადი განვითარება საჭიროებს კანონიერებას". 

1999-2004წწ. - თბილისის საოლქო სასამართლოში სისხლის სამართლის საქმეთა სააპელაციო პალატის სხდომის მდივანი, თავმჯდომარის მოადგილის თანაშემწე, სისხლის სამართლის საქმეთა კოლეგიის თავმჯდომარის თანაშემწე; 2004-2007წწ. - საქართველოს გენერალურ პროკურატურაში საგამოძიებო ნაწილის უფროსის მოადგილე, შიდა ქართლის და მცხეთა-მთიანეთის საოლქო პროკურორი; 2007 წელს მიანიჭეს საკლასო ჩინი - იუსტიციის უფროსი მრჩეველი; 2007-2017წწ. - საქართველოს უზენაესი სასამართლოს წევრი; 2007-2015წწ. - საქართველოს იუსტიციის უმაღლესი საბჭოს წევრი; 2017-2020წწ. - თბილისის სააპელაციო სასამართლოს ადმინისტრაციულ საქმეთა პალატის მოსამართლე; 2017 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე; 2017 წლის მაისიდან - თბილისის სააპელაციო სასამართლოს თავმჯდომარე; 2019-2020წწ. - ამავე სასამართლოს ადმინისტრაციულ საქმეთა პალატის თავმჯდომარე; 2020 წლის აგვისტოდან - თბილისის სააპელაციო სასამართლოს საგამოძიებო კოლეგიის თავმჯდომარე 5 წლის ვადით; 2022 წლის ივლისიდან - თბილისის სააპელაციო სასამართლოს თავმჯდომარე. 

წყარო: საქართველოს იუსტიციის უმაღლესი საბჭო: hcoj.gov.ge

• 2005 - ღირსების ორდენი