ვლადიმერ დავითაშვილი

დაბადების ადგილი: სოფელი ტბისი, თეთრიწყაროს მუნიციპალიტეტი.

სკოლის დამთავრების შემდეგ, სამხედრო სასწავლებელში აპირებდა სწავლის გაგრძელებას. 18 წლის სავალდებულო სამხედრო სამსახურში გაიწვიეს, მხედრული ვალის მოხდის შემდეგ შეიარაღებულ ძალებში დარჩენა გადაწყვიტა. ვაზიანში, მეოთხე ბრიგადაში, 41-ე ბატალიონში მსახურობდა ოცმეთაურად – სულ ათი თვე. ერაყში წასასვლელად ემზადებოდა. დაიღუპა 9 აგვისტოს, ალყაში მოქცეული. მხოლოდ 26 აგვისტოს გადმოსვენებულ მებრძოლებში მიაკვლიეს მის ცხედარს. ვლადიმერ დავითაშვილის სახელობისაა თეთრიწყაროს მუნიციპალიტეტის სოფელ საღრაშენის საჯარო სკოლა. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.531-532

• 2008 - ვახტანგ გორგასლის I ხარისხის ორდენი (გარდაცვალების შემდეგ)