ირაკლი ბაზაძე

დაბადების ადგილი: სოფელი მახათური, საჩხერის მუნიციპალიტეტი.

სკოლის დამთავრების შემდეგ, გაიარა სამხედრო სავალდებულო სამსახური. 2006 წელს კი შევიდა სამხედრო საკონტრაქტო სამსახურში; მსახურობდა საქართველოს შეიარაღებული ძალების გაერთიანებული შტაბის სახმელეთო ჯარების მე-4 ქვეითი ბრიგადის სადაზვერვო ასეულში. 2008 წლის 7 აგვისტოს, ირაკლი ბაზაძე, მიავლინეს ცხინვალში, საბრძოლო მოქმედებების ზონაში. დაიღუპა 8 აგვისტოს, ცხინვალის მისადგომებთან, პოზიციური ბრძოლებისას,  მოწინააღმდეგის მხრიდან განხორციელებული საჰაერო დაბომბვის დროს. დაკრძალული იყო მუხათგვერდის ძმათა სასაფლაოზე, ერთი თვის მერე დნმ -ის ანალიზით დადასტურდა, რომ ირაკლი ბაზაძე იქ იყო დაკრძალული. მოგვიანებით, მისი ნეშტი, მშობლიურ სოფელში გადაასვენეს. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.559

• 2008 - მედალი "სამშობლოსათვის თავდადებული" (გარდაცვალების შემდეგ)
• 2008 - ვახტანგ გორგასლის I ხარისხის ორდენი (გარდაცვალების შემდეგ)