ლევან მაკარაძე

 დაბადების ადგილი: სოფელი ოლადაური, შუახევის რაიონი.

დაამთავრა საქართველოს ზოოტექნიკური–სავეტერინარო სასწავლო-კვლევითი ინსტიტუტის სავეტერინარო მედიცინის ფაკულტეტი 1975 წელს.

1986-1989წწ. იყო ზოოვეტერინარული ინსტიტუტის პათოლოგიური ანატომიის განყოფილების გამგე; 1990-2004წწ.  პათოლოგიური ანატომიის, ფიზიოლოგიისა და ფარმაკოლოგიის კათედრის გამგე; 2001-2004წწ. მორფოლოგიისა და ფიზიოლოგიის დეპარტამენტის უფროსი; 2006-2017წწ. აგრარული უნივერსიტეტის სავეტერინარო მედიცინის ფაკულტეტის დეკანი და ვეტერინარია-მეცხოველეობის მიმართულების ხელმძღვანელი; 2008 წლიდან აირჩიეს სამხრეთ კავკასიის ქვეყნების საერთაშორისო სავეტერინარო განათლების ასოციაციის პრეზიდენტად; 2019 წლიდან სამცხე-ჯავახეთის სახელმწიფო უნივერსიტეტის სავეტერინარო მედიცინის ტექნოლოგიების, აგრარული და საბუნებისმეტყველო მეცნიერებათა ფაკულტეტის დეკანია; 2020 წლიდან საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ტრენერი ვეტერინარიის მიმართულებით. მუშაობს ცხოველთა პათოლოგიის, ონკოლოგიის, მორფოლოგიისა და ფარმაკოპროფილაქტიკის საკითხებზე, ეწევა სამეცნიერო-პედაგოგიურ მოღვაწეობას, ავტორია სამეცნიერო ნაშრომებისა. მიღებული აქვს სახელმწიფო ჯილდოები. ვეტერინარიის მეცნიერებათა დოქტორი (1999), პროფესორი (2001).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; სამცხე-ჯავახეთის სახელმწიფო უნივერსიტეტი: sjuni.edu.ge; საქართველო: ენციკლოპედია: ტ.5. -თბ.,2023. -გვ.470

• 2002 - ღირსების ორდენი

• სავეტერინარო ლექსიკონი (თანაავტორი) // ნაწილი 1. - თბილისი, სამცხე-ჯავახეთის სახელმწ. უნივერსიტეტის გამომცემლობა, 2022. - 344გვ.. - ISBN: 9789941981906
• ცხოველთა და ფრინველთა დაავადებების პათოლოგიური ანატომიის ატლასი (ავტორი). - თბილისი, თავისუფალი და აგრარული უნ-ტების გამ-ბა, 2012. - 156გვ.. - ISBN: 9789941040764
• ღორის აფრიკული ჭირი : ცნობარი (თანაავტორი). - თბილისი, 2010. - 24გვ.. - ISBN: 9789941016028