ზურაბ აბულაძე

დაბადების ადგილი: ქ. თბილისი.

ზურაბ აბულაძე სამგორის სამხედრო კომისარიატში მივიდა და ომში წასვლის ნებართვა ითხოვა, არ წაიყვანეს, რადგან არასრულწლოვანი იყო. ბოლოს ის ჩაირიცხა "თეთრ არწივში" – მობილური ძალების მე-2 ბატალიონში. "თეთრი არწივის" მებრძოლები სოხუმში წინა ხაზზე იყვნენ, ვინც გადარჩა ისინი, გაგრაში გადაისროლეს მძიმე ტექნიკის გარეშე. გაგრის დაცემის შემდეგ "ავაზელებთან" ერთად იბრძოდნენ, იცავდნენ ოჩამჩირეს. სრულიად ახალგაზრდა მებრძოლს, ზურაბ აბულაძეს "თეთრ არწივში" ყველა იცავდა, 1993 წლის 21 სექტემბერს იგი დაიჭრა სოფელ ტამიშთან სხვა მებრძოლებთან ერთად, ბრძოლის ველიდან ვერ გამოაღწია. თბილისში არის ზურაბ აბულაძის სახელობის ქუჩა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.37-38