პავლე გამცემლიძე

დაბადების ადგილი: სოფელი მაქათუბანი, ორჯონიკიძის რაიონი.

დაამთავრა ქ. ბორჯომის სატყეო ტექნიკუმი 1940 წელს; თბილისის სასოფლო-სამეურნეო ინსტიტუტის სატყეო-სამეურნეო ფაკულტეტი, ტყის მეურნეობის ინჟინრის კვალიფიკაციით 1944 წელს; ქ. ბათუმის მარქსიზმ-ლენინიზმის საღამოს ორწლიანი უნივერსიტეტი 1953 წელს.

1944 წელს დაინიშნა ახალციხის რაიონის აწყურის სატყეოს მეურნეობაში დირექტორის მოადგილის თანამდებობაზე; 1945-1947წწ. გადაყვანილ იქნა წყალტუბოს რაისატყეოს მეურნეობის დირექტორად; 1947 წლის ნოემბერში დაინიშნა აჭარის ავტონომიური რესპუბლიკის სატყეო მეურნეობის სამმართველოს უფროსის მოადგილედ; 1950-1952წწ. სამმართველოს უფროსად; 1952 წლის დეკემბერში გადაყვანილ იქნა ქუთაისის ოლქის სატყეო მეურნეობის სამმართველოს უფროსის თანამდებობაზე; 1966 წელს დაინიშნა აჭარის ავტონომიური რესპუბლიკის მინისტრთა საბჭოს სატყეო მეურნეობის სახელმწიფო კომიტეტის თავმჯდომარედ; 1950 წლიდან არჩეული იყო საქართველოს ნებაყოფილობითი საზოგადოება "ბუნების მეგობრის" აჭარის რესპუბლიკური საბჭოს თავმჯდომარის მოადგილედ. მიღებული აქვს საპატიო სიგელები და ფულადი ჯილდოები. 

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.29

• საქართველოს რესპუბლიკური გამგეობა, წევრი
• საქართველოს რესპუბლიკური საბჭო, წევრი
• საქართველოს რესპუბლიკური საბჭოს პრეზიდიუმი, წევრი
• ხე-ტყის დამუშავების პროფკავშირი, წევრი (1938-)

• საპატიო სიგელი
• შრომის წითელი დროშის ორდენი