ირაკლი მამამთავრიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1964 წელს.

1964–1967წწ. იყო ლენინგრადის (ახლანდელი სანქტ-პეტერბურგი) რაიონული საავადმყოფოს მეან-გინეკოლოგი; 1969 წელს მეანობა-გინეკოლოგიის სამეცნიერო-კვლევითი ინსტიტუტის უმცროსი; 1972–1973წწ. უფროსი მეცნიერი მუშაკი; 1973–1977წწ. სამედიცინო სისტემოტექნიკის ლაბორატორიის ხელმძღვანელი; 1977–1979წწ. – გურჯაანის სამშობიარო სახლის მთავარი ექიმი; 1979–1989წწ. კ. ჩაჩავას სახელობის პერინატალური მედიცინის და მეანობა-გინეკოლოგიის სამეცნიერო-კვლევითი ინსტიტუტის განყოფილების უფროსი მეცნიერი თანამშრომელი; ინსტიტუტის სწავლული მდივანი, გამგე; 1989–2006წწ. ორსულთა პათოლოგიის განყოფილების გამგე; 2006 წლიდან რეპროდუქციული მედიცინის ცენტრ "უნივერსის" გენერალური დირექტორის მოადგილე. არის სამეცნიერო ნაშრომების, მონოგრაფიების, გამოგონების და რაციონალიზატორული წინადადებების ავტორი, რომლებიც ეხება დედისა და ნაყოფის ფიზიოლოგიისა და პათოლოგიის პრობლემებს, საშვილოსნოს კუმშვადი აქტივობის რეგულაციის მექანიზმებს, პროფილაქტიკისა და მკურნალობის საკითხებს. მეან-გინეკოლოგი, მედიცინის მეცნიერებათა დოქტორი (1996), პროფესორი (2006).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.487

• კავკასიის ხალხთა სამეცნიერო აკადემია, ნამდვილი წევრი (2002-)

• ორსულობის დრომდემიუტანლობა და ნაადრევი მშობიარობა (თანაავტორი). - თბილისი, 2008. - 396გვ.. - ISBN: 9789941010101
• სისხლდენა მეანობაში : სახელმძღვ. ექიმებისათვის (თანაავტორი). - თბილისი, მთაწმინდელი, 2000. - 268გვ.