ბორის მანაგაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამხატვრო აკადემია 1940 წელს.

1953 წლიდან მონაწილეობდა სამხატვრო გამოფენებში. მნიშვნელოვანი ნამუშევრებია: "ჩაის პლანტაციებზე" (1960), "ლაჯანურჰესის მშენებლობა" (1961), "ქსნის ციხე", "ბერლინის დაცემა". "1945 წელი" (ორივე 1964), "შოთა რუსთაველი", "პოეტ გ. ლეონიძის პორტრეტი" (ორივე 1966), "არც ერთი ნაბიჯი უკან" (1975), "განახლებული მიწა" (1979) და სხვ. გააფორმა "პალესტინის სიძველეთა საიდუმლოება" (1966), სადაც აღწერილია XX ს. 60-იან წლებში პალესტინასა და ისრაელში შემორჩენილი ქართული კულტურის კვალი. მისი ნამუშევრები დაცულია დ. შევარდნაძის სახელობის საქართველოს ეროვნულ გალერეაში, საქართველოს თეატრის, მუსიკის, კინოსა და ქორეოგრაფიის სახელმწიფო და ომსკის სახელმწიფო ისტორიულ-მხარეთმცოდნეობის მუზეუმებში.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.504-505

• საქართველოს დამსახურებული მხატვარი