ალექსანდრე მანველიშვილი

დაბადების ადგილი: ქ. ახალციხე.

1853–1856წწ. ყირიმის, 1877–1878წწ. რუსეთ-ოსმალეთის ომების მონაწილე, 1738 წელს მისი წინაპრები, რომლებიც იყვნენ ვახტანგ VI-ის ამალის წევრები, დასახლდნენ უკრაინაში, სადაც ფლობდნენ სოფელ მანველოვკას. 1852 წელს დაინიშნა ფლიგელ-ადიუტანტად; 1864–1866წწ. მეთაურობდა ჩუგუევის ულანთა პოლკს; 1866 წელს ჩაირიცხა იმპერატორის ამალაში. 1866 წლიდან არის გენერალ-მაიორი; 1869–1871წწ. მეთაურობდა ლაიბგვარდიის ცხენოსანთა პოლკს და მე-8 საკავალერიო დივიზიას; 1876 წლიდან გენერალ-ლეიტენანტი. 1887 წელს გადადგა სამხედრო სამსახურიდან და მუშაობა დაიწყო სამოქალაქო უწყებაში "ნამდვილი საიდუმლო მრჩევლის" სტატუსით. დაჯილდოებულია სახელმწიფო ჯილდოებით, მათ შორის: ოქროს იარაღი "მამაცობისთვის" (1878), ფილიპე დიდებულის I ხარისხის ჰესენის ორდენი (1874). რუსეთის იმპერიის არმიის კავალერიის გენერალი (1885).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; შექმენი საკუთარი ისტორია: mematiane.ge; საქართველო: ენციკლოპედია: ტ.5. -თბ.,2023. -გვ.513

• 1889 - წმინდა ალექსანდრე ნეველის ორდენი
• 1881 - თეთრი არწივის ორდენი
• 1878 - წმინდა ვლადიმირის II ხარისხის ორდენი (ხმლებით)
• 1873 - წმინდა ანას ორდენი I ხარისხის ორდენი
• 1870 - წმინდა სტანისლავის I ხარისხის ორდენი
• 1868 - წმინდა ვლადიმირის III ხარისხის ორდენი
• წმინდა ანას III ხარისხის ორდენი
• წმინდა სტანისლავის II ხარისხის ორდენი (ხმლებით)
• წმინდა ანას II ხარისხის ორდენი
• წმინდა ვლადიმირის IV ხარისხის ორდენი
• წმინდა სტანისლავის III ხარისხის ორდენი