დავით ბებია

დაბადების ადგილი: სოფელი ფშაფი, გულრიფშის რაიონი.

სწავლობდა კონსტანტინე ლესელიძის სახელობის სამხედრო კადეტთა  სკოლაში, პარალელურად სწავლობდა სახალხო უნივერსიტეტში. აფხაზეთში მიმდინარე საომარი მოქმედებების დროს ირიცხებოდა საქართველოს რესპუბლიკის  შსს შინაგანი ჯარების მთავარი სამმართველოს სოხუმის ცალკეული მოტომსროლელი ბატალიონის რიგებში. 1992 წლის 3 დეკემბერს გუმისთის მისადგომებში გამართულ ბრძოლაში მძიმედ დაიჭრა,  გამოჯანმრთელებისთანავე ისევ საბრძოლო პოზიციებს დაუბრუნდა. დაიღუპა 1993 წლის 23 ივლისს სოფელ შრომასთან. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.73

• მედალი "მხედრული მამაცობისთვის" (გარდაცვალების შემდეგ)