ბესიკ ბელთაძე

დაბადების ადგილი: ქ. სოხუმი.

აფხაზეთში მიმდინარე საბრძოლო მოქმედებების დროს ირიცხებოდა 23-ე ბრიგადის მე-3 ბატალიონის რიგითად. სოხუმს დაცემის შემდეგ კი ირიცხებოდა ქუთაისის სამხედრო პოლიციაში, ზუგდიდის სპეცდანიშნულების რაზმში. 1994 წლის 22 დეკემბერს ქალაქ გალის გამგეობის რეკომენდაციით დაინიშნა აფხაზეთის სატრანსპორტო პოლიციის სამმართველოს რკინიგზის ობიექტების დაცვის მე-4 ათასეულის მე-2 ასეულის მეთაურის თანამდებობაზე "პოლიციის რიგითის" სპეციალური წოდების მინიჭებით. 1995 წლის იანვარში ბესიკ ბელთაძე მივლინებული იყო ქალაქ ზუგდიდში, სადაც იცავდა რკინიგზის ობიექტებს, მდინარე ენგურზე გამავალ სარკინიგზო ხიდს. 1995 წლის 6 სექტემბერს ერთ-ერთი შემოვლის დროს, იგი სასიკვდილოდ დაიჭრა გალის რაიონის სოფელ კოხორასთან. პოლიციელი, საქართველოს ტერიტორიული მთლიანობისათვის მებრძოლი აფხაზეთის ომში.