მიხეილ ბულკათი

დაბადების ადგილი: სოფელი ჩორაქეული, ახმეტის რაიონი.

დაამთავრა თბილისის რკინიგზის ტრანსპორტის საიჟინრო ინსტიტუტი.

დონეცკის რკინიგზაზე მუშაობის შემდეგ, 1956 წლიდან სამტრედის რკინიგზის განყოფილებაში მუშაობდა ინჟინრად. 1974-1985 წლებში სამტრედიაში ლიტერატურულ გაერთიანებას ხელმძღვანელობდა და ლიტერატურულ საღამოებსა და შეხვედრებს ატარებდა. თანამშრომლობდა რაიონულ და ცენტრალურ პერიოდულ პრესასთან. მიხეილ ბულკათის ეკუთვნის ოსურ ენაზე შესრულებული მრავალი პროზაული ნაწარმოები. მან ოსურ ენაზე თარგმნა კონსტანტინე გამსახურდიას "დიდოსტატის მარჯვენა". მიხეილ ბულკათი სამტრედიაში გამართული კულტურის და ლიტერატურის ყველა ღონისძიების აქტიური მონაწილე იყო.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.96; ჩვენი მეგობარი ოსი პოეტი / ლევან გაბეჩავა // სამტრედიის მაცნე .-სამტრედია,2015.-30 სექტემბერი.-N27 (9171).-გვ.7; malkhazkokhreidze.wordpress.com

• ნართ სოსლანის მეშვიდე მოგზაურობა : რომანი (ავტორი). - ცხინვალი, ირისთონი, 1988. - 279გვ.
• ალანური ბალადა : რომანი (ავტორი). - თბილისი, მერანი, 1986. - 295გვ.
• ცოცხალი ობელისკი (ავტორი). - ქუთაისი, საბჭ. საქართველო, ქუთაისის ფილიალი, 1984. - 307გვ.