ალექსანდრე ლომთაძე

დაბადების ადგილი: სოფელი ხვანჭკარა, ამბროლაურის რაიონი.

დაამთავრა ამიერკავკასიის სატყეო ტექნიკუმი 1932 წელს.

მუშაობა დაიწყო სატყეო მეურნეობის სისტემაში, ჯერ წაღვერის სატყეო მეურნეობაში ტექნიკოსის თანამდებობაზე; შემდეგ გადაიყვანეს ამბროლაურის სატყეო მეურნეობაში უბნის მეტყევედ; 1935 წლიდან მუშაობდა ხაშურის სატყეო მეურნეობაში; 1937-1942წწ. ბორჯომის სატყეო მეურნეობაში ლიკანის რაი-მეტყევედ; 1943-1945წწ. მონაწილეობდა დიდ სამამულო ომში. ომის დამთავრების შემდეგ მუშაობა განაგრძო რაიმეტყევედ ბორჯომის რაიონის ბანისხევის უბანში; 1955 წელს გადაყვანილ იქნა ბორჯომის სატყეო მეურნეობის ტყის დაცვის ინჟინრად, სადაც სიცოცხლის უკანასკნელ დღემდე მუშაობდა. იგი იყო საქმისადმი თავდადებული და ღვაწლმოსილი მეტყევე.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.60