სოლომონ მაყაშვილი

დაბადების ადგილი: სოფელი იყალთო, ახლანდელი თელავის მუნიციპალიტეტი.

დაამთავრა თბილისის სამხედრო სასწავლებელი.

1873 წლიდან მსახურობდა 156-ე ელიზავეტპოლის ქვეით პოლკში; 1877–1878წწ. იყო რუსეთ-ოსმალეთის, 1904–1905წწ. რუსეთ-იაპონიის ომების მონაწილე; 1892 წლიდან იყო დიდი მთავრის, თავად სერგეი მიხეილის ძის 153-ე ბაქოს ქვეითი პოლკის კაპიტანი; 1899 წლიდან მალოიაროსლავის 116-ე ქვეითი პოლკის, შემდეგ 113-ე სტარორუსული ქვეითი პოლკის პოდპოლკოვნიკი; 1904 წლიდან მე-3 ბატალიონის, ციმბირის 34-ე მსროლელი პოლკის მეთაური; 1905 წლიდან პოლკოვნიკი. 1913 წლიდან თადარიგშია. 1916 წლიდან მუშაობდა კავკასიის სამხედერო ოლქის სამხედრო მიმოსვლათა სამმართველოს სატრანსპორტო-საეტაპო განყოფილებაში. რუსეთის იმპერიის არმიის გენერალ-მაიორი (1913). მიღებული აქვს სახელმწიფო ჯილდოები, მათ შორის ბრინჯაოს მედალი 1877-1878 წლებიწ ომში მონაწილეობისთვის, იმპერატორ ალექსანდრე III-ის ვერცხლის მედალი, "თეთრი გიორგი"-ს ჯვრის კავალერი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 595

• წმინდა ანას III ხარისხის ორდენი
• წმინდა ანას II ხარისხის ორდენი
• წმინდა სტანისლავის III ხარისხის ორდენი