სერგო გულორდავა

დაბადების ადგილი: ქ. გაგრა.

დაამთავრა ყაზანის სამხედრო-საარტილერიო სასწავლებელი.

სხვადასხვა დროს მსახურობდა ყაზანში, გერმანიაში, სომხეთში. სოხუმში იყო სამოქალაქო თავდაცვის სწავლების კურსების უფროსი. აფხაზეთის საომარი კონფლიქტის დაწყებამდე მუშაობდა გაგრაში მცირე ტევადობის ხომალდებისა და თევზის რეწვის ინსპექტორად. აფხაზეთში ომის დაწყებისთანავე ჩადგა საქართველოს ტერიტორიული მთლიანობის დამცველთა რიგებში. 1992 წლის 25 აგვსტოს, პოლკოვნიკი სერგო გულორდავა გაგრის ბატალიონის მეთაურად დაინიშნა. გაგრის ბატალიონის პირველი მეთაური 1992 წლის 2 ოქტომბერს 15 მებრძოლთან ერთად დაიღუპა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.148