ჯემალ გურული

დაბადების ადგილი: სოფელი წირქვალი, ჭიათურის რაიონი.

სკოლის დამთავრების შემდეგ ჭიათურის "დოსააფში" დაეუფლა მძღოლის პროფესიას და მუშაობა დაიწყო  №3 ავტოსატრანსპორტო საწარმოში მძღოლად. 1982 წელს გაიწვიეს საბჭოთა არმიაში. 1984 წელს უფროსი სერჟანტის წოდებით დაუბრუნდა მშობლიურ ქალაქს და მუშაობა დაიწყო №2 ავტოსატრანსპორტო საწარმოში, თვითმცლელი ავტომანქანის მძღოლად. 1986 წელს მუშაობდა №1 ავტოსატრანსპორტო საწარმოში ავტობუსის მძღოლად. 1992 წლიდან იყო "მხედრიონის" წევრი და იმავე წლის სექტემბერში საომრად წავიდა აფხაზეთში. იბრძოდა გაგრაში, შემდეგ ოჩამჩირეში. დაიღუპა 1993 წლის თებერვალში ერთ-ერთი საბრძოლო ოპერაციის დროს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.152-153

• ვახტანგ გორგასლის II ხარისხის ორდენი (გარდაცვალების შემდეგ)