თემურ დავითინიძე

დაბადების ადგილი: ქ. თბილისი.

რიგითი თემურ დავითინიძე, 1992 წლის 25 აგვისტოს გაწვეულ იქნა სამხედრო სამსახურში. 1992 წლის 20 დეკემბრამდე მსახურობდა საქართველოს რესპუბლიკის თავდაცვის სამინისტროს ცალკეულ საარტილერიო დივიზიონში; იბრძოდა კოლხიდასთან, გაგრაში, განთიადსა და ლესელიძეში. 1992 წლის 21 დეკემბრიდან მსახურობდა ქ. სოხუმის კომენდატურასთან არსებულ დაზვერვის ოცეულში. თემურ დავითინიძემ მაღალ პროფესიულ დონეზე ჩაატარა არაერთი სამხედრო ოპერაცია: იყო თავისი საქმის კარგი მცოდნე, გაბედული და უშიშარი მებრძოლი. მაგალითისათვის: დაჭრილი მებრძოლი ვეფხია მერაბიშვილი 6 კმ ზურგით ატარა; 400 გ სისხლი გადაუსხა დაჭრილ თანამებრძოლს და სხვ. 1993 წლის 7 თებერვალს მზვერავთა ოცეული ასრულებდა საბრძოლო დავალებას მტრის ზურგში. წარმატებით ჩატარებული ოპერაციიდან დაბრუნების დროს მდინარე გუმისთაზე თემურ დავითინიძე დაიჭრა თავში, რის გამოც იგი 9 თებერვალს გარდაიცვალა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.157