თენგიზ მაჭარაშვილი

დაბადების ადგილი: ქ. თბილისი.

დაამთავრა ხარკოვის საინჟინრო-სამშენებლო ინსტიტუტის არქიტექტურის ფაკულტეტი 1949 წელს.

1949–1956წწ. მუშაობდა "აფხაზპროექტში" (სოხუმი); 1957–1959წწ. "საქქალაქმშენსახპროექტის" სოხუმის ფილიალში;  1959–1968წწ. თბილისში ამავე სათავო ინსტიტუტში (პროექტის მთავარი არქიტექტორი); 1968–1972წწ. საქართველოს კულტურის სამინისტროს ძეგლთა დაცვისა და რესტავრაციის სამმართველოში და სხვ. 1954–1957წწ. ეწეოდა პედაგოგიურ მოღვაწეობას სოხუმის ინდუსტრიულ ტექნიკუმში. მონაწილეობას იღებდა არქიტექტურულ კონკურსებში. ნამუშევრები: ადმინისტრაციული შენობა (1950, გაგრა), ასასვლელი სოხუმის მთაზე (1952), საცხოვრებელი სახლები კელასურში, სოხუმში, გაგრაში (1954–1957); რესტორანი "ეშერა" (1956); ასევე თბილისში – №1 სამშობიარო სახლის, მე-8 საქალაქო საავადმყოფოსა და საქართველოს ჯანმრთელობის სამინისტროს მეანობა-გინეკოლოგიის ინსტიტუტის შენობების რეკონსტრუქცია და სხვ. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 612

• საქართველოს დამსახურებული არქიტექტორი