აკაკი მახარაძე

დაბადების ადგილი: სოფელი ქვედა ციხესულორი, ახლანდელი ვანის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1948 წელს.

1953–1954წწ. იყო საქართველოს ზოოტექნიკურ-სავეტერინარო ინსტიტუტის უფროსი მასწავლებელი; 1955–1956წწ. თბილისის სახელმწიფო კონსერვატორიის ლექტორი; 1956 წლიდან მუშაობდა საქართველოს სასოფლო-სამეურნეო ინსტიტუტში; 1972–1979წწ. იყო ეკონიმიკის ფაკულტეტის დეკანი; 1971–1980წწ. პოლიტეკონომიის კათედრის გამგე;  1980–1994წწ. იგივე თანამდებობა ეკავა ა. პუშკინის სახელობის სახელმწიფო პედაგოგიურ ინსტიტუტში. ავტორია სამეცნიერო ნაშრომებისა, რომლებიც ეხება სასაქონლო-ფულადი ურთიერთობებისა და სოფლის მეურნეობის განვითარების პერსპექტივის საკითხებს. ეკონომიკის მეცნიერებათა დოქტორი (1973), პროფესორი (1975).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 618

• 1985 - საქართველოს მეცნიერებათა დამსახურებული მოღვაწე

• მეცხოველეობის განვითარების პერსპექტივები საქართველოში (ავტორი). - თბილისი, საბჭოთა საქართველო, 1984. - 76გვ.
• სასაქონლო-ფულადი ურთიერთობანი კოლმეურნეობებში (ავტორი). - თბილისი, საბჭოთა საქართველო, 1974. - 193გვ.