კარლო ტუღუში

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის, სატყეო-სამეურნეო ფაკულტეტი 1959 წელს.

1959 წელს სამუშაოდ გაანაწილეს თბილისის სატყეო ინსტიტუტის აფხაზეთის სატყეო საცდელ სადგურში, ოჩამჩირის რაიონში; 1966 წლამდე მუშაობდა უმცროს მეცნიერ თანამშრომლად; 1987 წლამდე სადგურის დირექტორად; 1987-1990წწ. ეკოლოგიის ლაბორატორიის გამგედ; 1990 წლის თებერვალში გდმოიყვანეს თბილისში ვასილ გულისაშვილის სახელობის სამთო მეტყევეობის ინსტიტუტში, სადაც ჯერ ასრულებდა სელექციის და ინტროდუქციის ლობორატორიის გამგის, შემდეგ კი წამყვანი მეცნიერ თანამშრომლის მოვალეობას; 1990 წლის პირველ აგვისტოს აირჩიეს საქართველოს მეცნიერებათა აკადემიის ცენტრალური ბოტანიკური ბაღის წამყვან მეცნიერ თანამშრომლად; 1966 წელს ბაქოში, ბოტანიკის ინსტიტუტში, აკად. ვასილ გულისაშვილის ხელმძღვანელობით, დაიცვა საკანდიდატო დისერტაცია აფხაზეთის წაბლნარების გაუმჯობესების საკითხებზე; 1975 წელს უმაღლესმა საატესტაციო კომისიამ დაამტკიცა უფროს მეცნიერ თანამშრომლის წოდებაზე. გამოაქვეყნა 70-ზე მეტი სამეცნიერო შრომა. მიღებული აქვს საქართველოს სსრ უმაღლესი საბჭოს პრეზიდიუმის საპატიო სიგელის ორი სიგელი. ბიოლოგიის მეცნიერებათა დოქტორი.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.100

• აფხაზეთის აკადემია, აკადემიკოსი
• სამეცნიერო შრომების რედ-კოლეგია, წევრი
• საქართველოს ეკოლოგიურ მეცნიერებათა აკადემია, წევრი (1997-)

• 1983 - საქართველოს დამსახურებული მეტყევე