გიორგი მახარაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქიმიის ფაკულტეტი 1971 წელს.

1971 წელს დაიწყო მუშაობა იქვე ანალიზური ქიმიის კათედრაზე. 1979–1984წწ. იყო ანალიზური ქიმიისა და გარემოს ქიმიის კათედრის ასისტენტი; 1984–2003წწ. დოცენტი; 2003 წლიდან პროფესორი; 2007–2010წწ. ხელმძღვანელობდა საქართველოს საპატრიარქოს წმინდა ანდრია პირველწოდებულის სახელობის ქართულ უნივერსიტეტში დისტანციური სწავლების ქიმიის მიმართულებას; 2012 წლიდან არის თბილისის სახელმწიფო უნივერსიტეტის მოწვეული პროფესორი; მისი სამეცნიერო გამოკვლევები ეხება ანალიზური ქიმიისა და გარემოს ქიმიის სფეროს; საქართველოში მან ერთ-ერთმა პირველმა დაიწყო ბუნებრივ წყლებში მძიმე ლითონების მიგრაციის ფორმებისა და მძიმე ლითონების ბუნებრივ მაკრომოლეკულებთან (ფულმომჟავებთან და ჰუმინის მჟავებთან) კომპლექსწარმოქმნის პროცესების შესწავლა. არის სამეცნიერო ნაშრომების ავტორი. მიღებული აქვს ეუთოს (OSCE), NATO-ს, სოროსის ფონდის საერთაშორისო ეკოლოგიური ასოციაციის (YSR), ბუნების დაცვის მსოფლიო ფონდის (WWF), მსოფლიო ბანკის (WB) და საერთაშორისო სამეცნიერო-ტექნიკური ცენტრის (ISTC) გრანტები. არის საერთაშორისო სამეცნიერო ჟურნალების სარედაქციო კოლეგიის, აგრეთვე წყლის საერთაშორისო ასოციაციის წევრი. ქიმიის მეცნიერებათა დოქტორი (2002), პროფესორი (2003). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 618