ზაჰიდატ მაჰომედბეკოვა

დაბადების ადგილი: სოფელი ხუნზახი, დაღესტანი.

დაამთავრა დაღესტნის პედაგოგიური ინსტიტუტი 1942 წელს; თბილისის სახელმწიფო უნივერსიტეტის ასპირანტურა აკადემიკოს არნოლდ ჩიქობავას ხელმძღვანელობით 1949 წელს.

1942–1946წწ. მუშაობა დაიწყო ბოტლიხისა და ვედენოს (დაღ.) საშუალო სკოლის რუსული ენისა და ლიტერატურის მასწავლებლად. 1950–1952წწ. მუშაობდა დაღესტნის პედაგოგიურ ინსტიტუტსა და განათლების სამინისტროში. 1967–1982წწ. იყო თბილისის თეატრალური ინსტიტუტის სასცენო მეტყველების პედაგოგი; 1952–1999წწ. – საქართველოს მეცნიერებათა აკადემიის ენათმეცნიერების ინსტიტუტის უფროსი მეცნიერი თანამშრომელი. დაღესტანოლოგი, ფილოლოგიის მეცნიერებათა დოქტორი (1970). ახვახურსა და კარატულ ენებზე პირველი სამეცნიერო პუბლიკაციების ავტორი. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 628; archive.ph

• Каратинский язык : Грамматический анализ, тексты, словарь (ავტორი). - Тбилиси, Мецниереба, 1971. - 290с.
• Ахвахский язык : Грамматический анализ, тексты, словарь (ავტორი). - Тбилиси, Мецниереба, 1967. - 254с.