ივერი აბაშიძე

დაბადების ადგილი: შუახევის რაიონი.

დაამთავრა ივანე ჯავახიშვილის სახელობის ბათუმის სამართლის ინსტიტუტის იურიდიული ფაკულტეტი, სამართალმცოდნეობის სპეციალობით 2000 წელს; 1999 წელს გაიარა იურისტის საკვალიფიკაციო კურსები; 2008 წელს ჩააბარა ადვოკატურის საკვალიფიკაციო გამოცდა სამოქალაქო სამართლის სპეციალიზაციით; 2010 წელს სსიპ "იუსტიციის უმაღლეს სკოლაში" გაიარა სასამართლოს მენეჯერის სასწავლო კურსი და ჩააბარა პროგრამით გათვალისწინებული ტესტური გამოცდები; 2011 წელს იმყოფებოდა ამერიკის შეერთებულ შტატებში (ვაშინგტონი, ბოსტონი), "OPEN WORLD"-ის პროგრამის ფარგლებში, მენეჯმენტურ უნარჩვევებთან დაკავშირებულ ლექცია სემინარებზე; 2012 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2016 წელს იმყოფებოდა ქ. პარიზში საფრანგეთის საკასაციო სასამართლოში - საქართველოს საერთო სასამართლოების მოხელეებისათვის გამართულ - სასწავლო ვიზიტში მონაწილეობის მიზნით; 2016- 2017წწ. იყო იუსტიციის უმაღლესი სკოლის მსმენელი; 2016 წლის დეკემბერში იმყოფებოდა გერმანიაში ქ. ჰამბურგში იუსტიციის უმაღლესი სკოლის მსმენელებისათვის გამართულ სასწავლო ვიზიტში მონაწილეობის მიზნით; 2017 წელს იმყოფებოდა საფრანგეთში, ქ. სტრასბურგში იუსტიციის უმაღლესი სკოლის მსმენელებისათვის გამართულ სასწავლო ვიზიტში მონაწილეობის მიზნით.

1999-2000წწ. - შუახევის რაიონის საგადასახადო ინსპექციაში ინსპექტორი; 2002-2003წწ. გაიარა სავალდებულო სამხედრო სამსახური, საქართველოს სახელმწიფოს საზღვრის დაცვის სახელმწიფო დეპარტამენტის აჭარის რეგიონალურ სამმართველოში; 2004-2005წწ. - ხელვაჩაურის რაიონულ სასამართლოში, დაცვის თანამშრომელი; 2005-2009წწ. - ხელვაჩაურის რაიონულ სასამართლოში მოსამართლის თანაშემწე; 2009-2010წწ. - ხელვაჩაურის რაიონული სასამართლოს აპარატის უფროსი, საკადრო და საორგანიზაციო საკითხთა განყოფილების უფროსი, 2010 წლიდან -  ხელვაჩაურის რაიონული სასამართლოს მენეჯერი; 2011-2017წწ. - ბათუმის საქალაქო სასამართლოს მენეჯერი, საკადრო და საორგანიზაციო საკითხთა განყოფილების უფროსი; 2018 წლის იანვრიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე. 2020 წლის დეკემბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge