ირაკლი კოპალიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 2004 წელს; 2004 წელს ჩააბარა საქართველოს პროკურატურის მუშაკთა საკვალიფიკაციო გამოცდა; 2007 წელს ჩააბარა ადვოკატთა საკვალიფიკაციო გამოცდა სამოქალაქო და ადმინისტრაციული სამართლის განხრით; 2009 წელს ჩააბარა მოსამართლეთა საკვალიფიკაციო გამოცდა სამოქალაქო და ადმინისტრაციული სამართლის განხრით; 2009 წელს ჩააბარა საარჩევნო ადმინისტრაციის მოხელეთა გამოცდა; 2009 წელს მიწვეული იყო ჩინეთის სახალხო რესპუბლიკის ფინანსთა სამინისტროს მიერ ქალაქ პეკინში ორგანიზებული ეკონომიკური განვითარებისა და რეფორმების შესახებ სემინარის მონაწილედ; 2012 წელს გაიარა ტრენინგი სახელმწიფო შესყიდვების სისტემის ამერიკული პრაქტიკის გაზიარებასთან დაკავშირებით; 2012-2013წწ. იყო იუსტიციის უმაღლესი საბჭოს მსმენელი.

2004 წელს - თბილისის ისანი-სამგორის რაიონულ პროკურატურაში სტაჟიორი; 2004-2005წწ. - სტაჟიორი საქართველოს პარლამენტის იურიდიულ საკითხთა კომიტეტში; 2005-2007წწ. - საქართველოს კონტროლის პალატაში იურისტი; 2007-2008წწ. - საქართველოს შრომის, ჯანმრთელობისა და სოციალური დაცვის სამინისტროს იურიდიულ დეპარტამენტში მთავარი სპეციალისტი; 2008-2010წწ. - საქართველოს მთავრობის კანცელარიის იურიდიულ დეპარტამენტში მთავარი სპეციალისტი; 2010 წელს - საქართველოს მთავრობის კანცელარიის შესყიდვების სამმართველოს უფროსი; 2010-2012წწ. - საქართველოს მთავრობის კანცელარიის მრჩეველი; 2013-2015წწ. - საქართველოს განათლებისა და მეცნიერების სამინისტროს საჯარო ინფორმაციის გაცემისა და პროაქტიულად გამოქვეყნების სამმართველოს უფროსი; 2015 წლიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე; 2018 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge