მამუკა კალანდაძე

დაბადების ადგილი: სოფელი ნაბეღლავი, ჩოხატაურის რაიონი.

ქ. სვერდლოვსკში მოიხადა სავალდებულო სამხედრო სამსახური. ჰქონდა ლეიტენატის წოდება. 1980-1986 წლებში სწავლობდა სამტრედიის რაიონის სოფელ კულაშის ზოოვეტერინარულ ტექნიკუმში, შემდეგ მუშაობდა ჩოხატაურის რაიონის სოფლების – ფარცხმის, გოგოლეისუბნის, გორა-ბერეჟოულის კოლმეურნეობის ფერმებში ზოოტექნიკოსად. 1990 წლიდან იყო სოფელ ბუკნარის საშუალო სკოლის სამხედრო მომზადების მასწავლებელი. 1991 წლის ივნისიდან დაინიშნა ჩოხატაურის 23-ე ბატალიონის მეთაურის მოადგილედ. 1992 წლის 15 ნოემბერს, აფხაზეთში საომარი მოქმედების დროს ჩაირიცხა ჩოხატაურის რაიონის ცალკე ასეულში მეთაურის მოადგილედ. დაიღუპა 1992 წლის 3 დეკემბერს სოფელ აჩადარასთან საარტილერიო დაბომბვის დროს. სოფელ გურუძთის ერთ-ერთ ქუჩას მიენიჭა მისი სახელი. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.217