კახაბერ კინწურაშვილი

დაბადების ადგილი: ქ. თბილისი.

ვარჯიშობდა აღმოსავლური ორთაბრძოლების ასოციაციის საწვრთნელ ჯგუფში. ერთი წლის შემდეგ მონაწილეობა მიიღო იუნიორთა რესპუბლიკურ პირველობაზე კარატეში და პირველი ადგილი დაიკავა. საქართველოს პოლიტექნიკური ინსტიტუტის მეტალურგიული ფაკულტეტის I კურსის დახურვის შემდეგ მოიხადა სავალდებულო სამხედრო სამსახური. 1991 წელს პოლონეთში კახაბერ კინწურაშვილმა აიღო ჯიუჯიცუს აკადემიის სერთიფიკატი, იგი იყო კარატეს სწავლების ინსტრუქტორი. მიღებული ჰქონდა სიგელები, მადლობები და თასები. აფხაზეთში მიმდინარე საომარი კონფლიქტის დროს, 1992 წლის 31 აგვისტოს მოხალისედ წავიდა აფხაზეთში. იბრძოდა გაგრაში. დაიღუპა 1993 წლის 9 ივლისს ტამიშთან. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.244-245

• ვახტანგ გორგასლის II ხარისხის ორდენი (გარდაცვალების შემდეგ)