ამირან კოლოჩევი

სახელმწიფო სახანძრო ინსპექციის უფროსი ინსპექტორი ამირან კოლოჩევი აქტიურად მონაწილეობდა სოფლების-გუმისთა, აჩადარა, შრომა, გუროვკა ბრძოლებში. იგი ოპერატიულობით, სიმამაცითა და გამჭრიახობით გამოირჩეოდა. კაპიტანი ამირან კოლოჩევი არაერთხელ იყო წახალისებული და დაჯილდოებული აფხაზეთისა და საქართველოს შინაგან საქმეთა სამინისტროების ხელმძღვანელობის მიერ საპატიო სიგელებითა და მედლებით, ასევე სამკერდე ნიშნით "წარჩინებული მილიციელი". დაიღუპა 1993 წლის 5 იანვარს სოფელ აჩადარასთან საბრძოლო ოპერაციის დროს. პოლიციის კაპიტანი. სოხუმის შინაგან საქმეთა რაიონული განყოფილების ხანძარსაწინააღმდეგო სამსახურის უფროსი ინსპექტორი. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.250-251

• ვახტანგ გორგასლის III ხარისხის ორდენი (გარდაცვალების შემდეგ)