ერეკლე კოდუა

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტი 1998 წელს; თბილისის ჰუმანიტარულ-ეკონომიკური ინსტიტუტი, სპეციალობით სამართალმცოდნე 1999 წელს.

1999–2003წწ. მუშაობდა შსს ორგანოებში სხვადასხვა საპასუხისმგებლო თანამდებობაზე. 2004 წელს იყო სახელმწიფო უშიშროების სამინისტროს კონტრტერორისტული დეპარტამენტის უფროსი; 2004–2010წწ. შსს სპეციალური ოპერატიული დეპარტამენტის დირექტორი; 2010–2012წწ. შსს კრიმინალური პოლიციის დეპარტამენტის დირექტორი. 2014 წელს საქართველოს პროკურატურამ მას ბრალი წარუდგინა. იყო "ინტერპოლის წითელი ცირკულარით" ძებნილი. პოლიციის გენერალ-მაიორი (2008).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.109-110

• 2008 - წმინდა გიორგის გამარჯვების ორდენი
• 2004 - ღირსების ორდენი