ჯუმბერ მჭედლიშვილი

დაბადების ადგილი: ქ. თბილისი.

დაამთავრა პროფესიულ-ტექნიკური სასწავლებელი, მომპირკეთებელ-მეფილეს კვალიფიკაციით.

მოიხდილი ქონდა სავალდებულო სამხედრო სამსახური. ჯუმბერ მჭედლიშვილი მსახურობდა ეროვნული გვარდიის მთავარი სამმართველოს სპეცდანიშნულების ასეულში 1922 წლის 1 მარტიდან ოფიცრის თანამდებობაზე, ხოლო 1993 წლის ივნისიდან იყო ამავე ასეულის მეთაურის მოადგილე. მონაწილეობდა საქართველოს ტერიტორიული მთლიანობისთვის აფხაზეთში წარმოებულ საბრძოლო მოქმედებებში, ბრძოლის ხანგრძლივობის სრულ პერიოდში. დაიღუპა 1993 წლის 24 სექტემბერს აფხაზეთში, ახალდაბასთან საბრძოლო მოქმედებების დროს. ბრძოლებში გამოჩენილი მამაცობისა და თავდადებისთვის ჯუმბერ მჭედლიშვილი, საქართველოს პრეზიდენტის 1995 წლის 23 დეკემბრის ბრძანებულებით, დაჯილდოებულია ვახტანგ გორგასლის I ხარისხის ორდენით (სიკვდილის შემდეგ). საქართველოს ტერიტორიული მთლიანობისათვის მებრძოლი აფხაზეთის ომში.  

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.329

• ვახტანგ გორგასლის I ხარისხის ორდენი (გარდაცვალების შემდეგ)