ზურაბ ჭყონია

დაბადების ადგილი: სოფელი ნინოშვილი, ლანჩხუთის რაიონი.

დაამთავრა საქართველოს სასოფლო-სამეურნეო ინსტიტუტის, სატყეო-სამეურნეო ფაკულტეტი 1950 წელს.

1950 წლიდან მუშაობდა საქართველოს აეროფოტო ტყეთმოწყობის საწარმოში ტაქსატორის თანაშემწედ; 1951-1960წწ. ინჟინერ-ტაქსატორად; 1961-1971წწ. ტყეთმოწყობის პარტიის უფროსად;  შედგენილი აქვს "სატყეო მეურნეობის ორგანიზაციისა და ტყეთმოწყობის გეგმის პროექტები" ასპინძის, თიანეთის, ახმეტის, თელავის, გულრიფშის, მესტიის, ცაგერის, თეთრიწყაროს, ოზურგეთის, ბორჯომის სატყეო მეურნეობაში; 1971-1973წწ. მუშაობდა საქართველოს ტყეთმოწყობის ექსპედიციის უფროსად; 1973-1974წწ. სატყეო მეურნეობის და ტყის რესურსების გამოყენების გენერალური გეგმის შედგენის პარტიის უფროსად; 1974-1980წწ. იყო ხაშურის მეურნეობის დირექტორი; 1980-1986წწ. თიანეთის მეურნეობის დირექტორი; 1986-1990წწ. ლანჩხუთის სატყეო მეურნეობების დირექტორი. 

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.131