ნინო ნანეიშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორიის კლავიშებიანი საკრავების (ფორტეპიანო) ბაკალავრიატი 2006 წელს; ვანო სარაჯიშვილის სახელობის თბილისის სახელმწიფო კონსერვატორიის საეკლესიო მუსიკის მაგისტრატურა 2009 წელს; მართვის აკადემიის "მართვის თანამედროვე მეთოდების" კურსდამთავრებული (2019); თბილისის პოლიტიკური სკოლის კურსდამთავრებული (2021).

სამუშაო გამოცდილება: 2005-2009წწ. იყო თბილისის სახელმწიფო კონსერვატორიის სტუდენტთა ფოლკლორული ანსამბლის, ხოლო 2008-2013წწ. მგალობელ-მომღერალთა გუნდ "სათანაოს" წევრი; 2009 წელს დააფუძნა გოგონათა ქართული ტრადიციული მუსიკის ანსამბლი "იალონი" (საქართველოს ფოლკლორის 2015-2016 წლების ეროვნულ ფესტივალზე გუნდს მიენიჭა პირველი ადგილი, ნომინაციაში – საუკეთესო ქალთა ფოლკლორული ანსამბლი; 2017 წელს, თბილისის საგუნდო მუსიკის კონკურსზე გუნდს მიენიჭა გრანპრი ქართულ ტრადიციულ გალობაში, ხოლო პირველი ადგილი და ოქროს მედალი – ქართულ ხალხურ სიმღერაში); 2011 წლიდან მუშაობს თბილისის გიორგი მთაწმიდელის სახელობის საეკლესიო გალობის უნივერსიტეტში ხალხური სიმღერისა და გალობის უფროს ასისტენტად; 2011 წლიდან ლექცია-კონცერტებისა და ვორკშოპების ორგანიზატორი და ტრენერი სხვადასხვა ქვეყნებში (საქართველო, დიდი ბრიტანეთი, საფრანგეთი, ფინეთი, ბელგია, პოლონეთი, უკრაინა, ავსტრია, ჰოლანდია, ლიტვა); 2015-2017წწ. იყო საქართველოს კულტურის სამინისტროს კულტურის სტრატეგიის ჯგუფის წევრი; 2017 წლიდან მუშაობს ბოლნისის მუნიციპალიტეტის ფოკლორულ ანსამბლ "ალილოს" ხელმძღვანელად; 2017 წლიდან Erasmus + ის ფარგლებში სემესტრულად თანამშრომლობს ლონდონის Rose Bruford-ის დრამისა და თეატრის კოლეჯთან, ქართული ტრადიციული მუსიკის ლექციების ჩატარების სახით ბაკალავრიატის და მაგისტრატურის საფეხურის სტუდენტებთან; 2018 წელს Georgisches Kultue-Haus-ის მიწვევით მუსიკალურად გააფორმა შტუტგარტის Theater tri-Buhne-ში დადგმული სპექტაკლი Tina oder die Waffen der Frau, რეჟისორი ედიტ ქოებერ-ქირხნოპფი (Edith Koeber-Kirchknopf); სეზონურად ატარებს ქართული ტრადიციული მუსიკის მასტერკლასებსა და კულტურულ ტურებს საქართველოში, დიდ ბრიტანეთში, ნიდერლანდებში, პოლონეთში, ავსტრიაში, გერმანიაში, ლიტვასა და უკრაინაში; სამეცნიერო ინტერესის სფეროები / კვლევითი ინტერესები: რელიგიური მუსიკა, ქართული საეკლესიო საგალობლები, აღდგომის ტრადიცია ქართული ქრისტიანული დენომინაციების საღვთისმსახურო მუსიკა; რამდენიმე ათეული საერთაშორისო კონფერენციის მონაწილე და სამეცნიერო სტატიების ავტორი (საქართველო, თურქეთი, ინგლისი, ფინეთი); რადიო გადაცემების ციკლის ავტორი: "ქართული ტრადიციული მუსიკა"; ხელოვნებათმცოდნეობის დოქტორი (2020).

წყარო: გიორგი მთაწმინდელის სახელობის გალობის უნივერსიტეტი: galoba.edu.ge; ანზორ ერქომაიშვილის სახელობის ფოლკლორის სახელმწიფო ცენტრი: folk.gov.ge

• ანსამბლი "იალონი", დამაარსებელი, სამხატვრო ხელმძღვანელი (2009-)

• Conceptualizing the Liturgical Music of Evangelical Baptists in Tbilisi : Experimntation and Compilation. Kadmos (Author) // A Journal of Humanities. No 10 (76-96). - Tbilisi , Platform & workflow by OJS/PKP, 2018. - 76-96p.. - ISBN: 9789941363047