გენადი ქუმსიაშვილი

დაბადების ადგილი: სოფელი წინანდალი, თელავის რაიონი.

დაამთავრა საქართველოს სასოფლო-სამეურნეო ინსტიტუტი მეღვინე ინჟინერ-ტექნოლოგის სპეციალობით 1965 წელს.

ინსტიტუტში ჩაბარებამდე  მუშაობდა მუშად, ხოლო შემდეგ ლაბორანტად თელიანის ღვინის ქარხანაში; ინსტიტუტის დამთავრებისთანავე იგი მიავლინეს აკურის ღვინის ქარხანაში მეღვინე-ბრიგადირად; 1966 წლიდან იყო ოსტატ-მეღვინე; 1975-1977წწ. არის უფროსი ოსტატი; 1977-1987წწ. თელავის N2-ე ღვინის ქარხნის ოსტატი-მეღვინე, სადაც მან წარმატებით გამოიყენა მისი უმდიდრესი და აკურის ქარხანაში მიღებული გამოცდილება, რის შემდეგაც თელავის N2-ე ღვინის ქარხანა მოწინავეთა რიგებში ჩააყენა; 1987 წლიდან ჯერ ღვინის ქარხნის დირექტორის მოვალეობის შემსრულებლად, შემდეგ კი ქარხნის დირექტორად დანიშნეს; 1988 წელს გადაიყვანეს თელავის ღვინის ქარხნის დირექტორად, სადაც 1992 წლამდე იმუშავა; 1992-1995წწ. იგი დირექტორის მოადგილეა აკურის ღვინის ქარხანაში, 1995 წლიდან მევენახეობა-მეღვინეობის აგროფირმა "წინანდლის" დირექტორის მოადგილე და მთავარი მეღვინეა; 2003 წლიდან  საქმიანობა მთლიანად "ღვინის კომპანია შუმთან" არის დაკავშირებული.  

წყარო: დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., 2017. -გვ.395-403