ნიაზ გოგიტიძე

დაბადების ადგილი: ქ. ბათუმი.

აქტიურად მონაწილეობდა ბათუმის სასკოლო და წარმოება-დაწესებულებათა თვითმოქმედ ქორეოგრაფიულ კოლექტივებში, ხშირად გამოდიოდა ადგილობრივ და რესპუბლიკურ ოლიმპიადებზე, 1941-1943წწ. მოცეკვავედ მუშაობდა აჭარის ხელოვნების სამმართველოს საფრონტო ანსამბლში, პარალელურად მონაწილეობდა ბათუმის დრამატული თეატრის დადგმებში; 1943-1945წწ. მუშაობდა ხულოს რაიონის სოფელ რიყეთის კლუბის გამგედ და ქორეოგრაფად, ხოლო 1945-1956წწ. აჭარის სიმღერისა და ცეკვის სახელმწიფო დამსახურებული ანსამბლის მოცეკვავედ; სხვადასხვა დროს იგი იყო ბათუმის ნავთომგადამამუშავებელი ქარხნის კულტურის სახლის, სამედიცინო სასწავლებლის, მე-2, მე-4, მე-8, მე-13, მე-16 სკოლების, აჭარის სახანძრო დაცვის, ქობულეთის რაიონის სოფელ ბობოყვათის საკოლმეურნეო კლუბის, აჭარის ადგილობრივი კომუნალური მეურნეობის კულტურის სახლის, ბათუმის პედ-ინსტიტუტის თვითმოქმედი ქორეოგრაფიული კოლექტივების ქორეოგრაფი; მის მიერ დადგმული ცეკვებიდან აღსანიშნავია "განდაგანა", "ციცინათელა", "მეგობრობა", "ხორუმი", "საზეიმო" და "შრომა და ზეიმი", რომლებიც საქართველოს ახალგაზრდობის ფესტივალზე პირველი ხარისხის დიპლომით აღინიშნა; მისი ხელმძღვანელობით ანსამბლი კონცერტებით გამოდიოდა ოდესაში, ხერსონში, ნიკოლაევში, კახოვკაში და უკრაინელ მშრომელთა დიდ მოწონებას იმსახურებდა; აჭარის ასსრ ხელოვნებისა და ლიტერატურის დეკადაზე მონაწილეობისათვის და ხელოვნების დარგში თვალსაჩინო დამსახურებისათვის მოცეკვავე ორგზის დაჯილდოვდა აჭარის ასსრ უმაღლესი საბჭოს პრეზიდიუმის საპატიო სიგელებით; მიღებული აქვს მრავალი წამახალისებელი ჯილდო. იყო ბათუმის კინოთეატრ "კომკავშირის" დირექტორი.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.47

• 1968 - საქართველოს კულტურის დამსახურებული მუშაკი
• 1958 - აჭარის ავტონომიური რესპუბლიკის კულტურის დამსახურებული მოღვაწე
  მუსიკალურ-ქორეოგრაფიული და ხალხზური შემოქმედების დარგში ხალგრძლივი და ნაყოფიერი მუშაობისათვის