თენგიზ დავითაია

დაბადების ადგილი:  ქ. სოხუმი.

1946-1955წწ. ცეკვავდა აფხაზეთის სიმღერისა და ცეკვის სახელმწიფო ანსამბლში; 1955-1957წწ. მუშაობდა საქართველოს სიმღერისა და ცეკვის სახელმწიფო ანსამბლში; მან მრავალი ცეკვა შეასრულა ანსამბლებში მუშაობის პერიოდში, ცეცხლოვანი "მთიულური", "ფარიკაობა", "ყაზბეგური", "აფხაზური", "კინტოური", "განდაგანა" და სხვა. 1957 წელს დაუბრუნდა აფხაზეთის სიმღერისა და ცეკვის სახელმწიფო ანსამბლს, როგორც ქორეოგრაფი; მის მიერ სხვადასხვა დროსა და სხვადასხვა კოლექტივში დადგმული ცეკვებიდან გამოსარჩევია: "შეჯიბრი", "წყაროსთან", "მონადირეთა ცეკვა", "აფხაზური ახალგაზრდული" და სხვა. არის საქართველოს ახალგაზრდობის პირველი ფესტივალისა და მხატვრული თვითმოქმედების საკავშირო დათვალიერების ლაურეატი, დაჯილდოებულია მედლით. მიღებული აქვს მრავალი პირველხარისხოვანი სიგელი და დიპლომი. 1964 წლიდან იყო სოხუმის რკინიგზის კულტურის სახლის დირექტორი.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.54