გოდერძი ჩხაიძე

დაბადების ადგილი: სოფელი ჯუნეწერი, ლანჩხუთის რაიონი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1969 წელს; საქართველოს პოლიტექნიკური ინსტიტუტის საამშენებლო ფაკულტეტის დაუსწრებელი განყოფილება 1976 წელს.

ლანჩხუთის სკოლის დამთავრების შემდეგ გაიწვიეს სამხედრო სავალდებულო სამსახურში, რომელიც სამი წლის განმავლობაში გაიარა მაშინდელი გერმანიის დემოკრატიულ რესპუბლიკაში. მუშაობა დაიწყო სპეციალობით ერთ-ერთ კვლევით ინსტიტუტში, შემდეგ კი სამუშაოდ გადავიდა თბილისის 26 კომისრის რაიონის საბინაო-სამმართველოს სარემონტო-საამშენებლო უბნის უფროსად. მოგვიანებით, როგორც ქალაქის მასშტაბით ყველაზე ჩამორჩენილი რაიონის სარემონტო-საამშენებლო საქმიანობის გასაუმჯობესებლად იგი სპეციალურად მიავლინეს თბილისის მთაწმინდის რაიონში იმავე თანამდებობაზე. 1982 წლიდან სათავეში ჩაუდგა საგარეჯოს რაიონის გომბორის სასოფლო საბჭოში შემავალ სოფელ ვაშლიანში განთავსებულ მებაღეობის ამხანაგობას.

წყარო: დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., 2017. -გვ.452-457