გულნარა კოკოჩაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1941 წელს.

1941 წლის ივლისში ქ. თბილისის ბავშვთა პირველ საავადმყოფოში დაიწყო მუშაობა. ოჯახური პირობების გამო საცხოვრებლად გადავიდა ქ. ქუთაისში და 1944 წლის 1 აპრილს ქუთაისის საევაკუაციო ჰოსპიტალში დაიწყო მუშაობა. მან აქ მიიღო პრაქტიკული გამოცდილება - თერაპიული მკურნალობის გარდა, ქირურგიულ ოპერაციებსაც ატარებდა, გაკეთებული აქვს კიდურების ამპუტაციებიც. 1945 წლის 1 მაისს ის გაამწესეს ბავშვთა პირველ კონსულტაციაში (შემდგომში ბავშვთა მეორე პოლიკლინიკა), სადაც 1962 წლის 16 ნოემბრამდე აგრძელებდა მუშაობას. 1962 წლის 15 ოქტომბრიდან სამუშაოდ პირველ ბაგა-ბაღში გადავიდა. 1969 წლის პირველი ნოემბრიდან მუშაობა დაიწყო ბავშვთა მეორე პოლიკლინიკაში უბნის ექიმის სრულ განაკვეთზე და პარალელურად მუშაობას აგრძელებდა ბაგა-ბაღშიც ნახევარ განაკვეთზე. მოგვიანებით მუშაობდა ბავშვთა პირველ პოლიკლინიკაში. მიღებული აქვს საპატიო სიგელები და ჯილდოები. 

წყარო: ქართველი კათოლიკე ექიმები, ნაწ.1. -თბ., 2024. -გვ.89-94

• 1975 - საქართველოს დამსახურებული ექიმი
• 1946 - მედალი "სამამულო ომის დროს თავდადებული შრომისთვის"