სოსო არაზაშვილი

დაამთავრა თბილისის სამედიცინო ინსტიტუტი 1942 წელს. 

წლების განმავლობაში მუშაობდა სააფთიაქო სამმართველოსა და სააფთიაქო ბაზის მმართველად თბილისში. თბილისის სამედიცინო ინსტიტუტის დამთავრების შემდეგ, ახალგაზრდა სპეციალისტი სამუშაოდ გააგზავნეს კასპში, სადაც ის გვერდში ამოუდგა თავის მამას აფთიაქის მართვაში და შემდეგ რამდენიმე წელიწადში ჩაანაცვლა ის ამ თანამდებობაზე. 1949-1953წწ. სამუშაოდ მიავლინეს ცხინვალში აფთიაქის გამგედ. 1953 წელს გადაიყვანეს თბილისში, რესპუბლიკის სააფთიაქო სამმართველოს ცენტრალური ბაზის დირექტორად. 1961 წელს, პირველად ჩვენს რესპუბლიკაში მისი ინიციატივით დაარსდა მზა სამკურნალო პრეპარატების, შესახვევი მასალის, ავადმყოფთა მოსავლელი საგნების, სამკურნალო მცენარეების აფთიაქი, თბილისში ცნობილი N40 აფთიაქი, სადაც გამგედ მუშაობდა 1983 წლამდე. რამდენიმე წელი წყნეთის აფთიაქის გამგედ იმუშავა. 1985 წლიდან ის კვლავ მიიწვიეს სააფთიაქო სამმართველოს ცენტრალური ბაზის დირექტორად, სადაც სიცოცხლის ბოლომდე მუშაობდა. იაკობ არაზაშვილის შვილი.   

წყარო: ქართველი კათოლიკე ექიმები, ნაწ.1. -თბ., 2024. -გვ.118-121

• საქართველოს რესპუბლიკის დამსახურებული პროვიზორი