
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

საშა ბეთანელი

Legal name:	ალექსანდრე ბეთანელი
Other name:	პეტრე-პავლე - ეკლესიურად
Date of birth:	29 June, 1920
Date of death:	5 April, 2019 (at 98 years)
Burial location:	საბურთალოს სასაფლაო, თბილისი
Category:	Medical Doctor, Scientist

Biography

დაბადების ადგილი: ქ. ქუთაისი.

დაამთავრა თბილისის სამედიცინო ინსტიტუტის სამკურნალო ფაკულტეტი 1941 წელს.

1941 წლიდან ქუთაისის რკინიგზის საავადმყოფო გასამხედროებული ყოფილა და მას იქ დაუწყია მუშაობა ქირურგად. თავდაპირველად გამოცდილ ქირურგებს უწევდა ასისტირებას და სულ რაღაც რვა თვეში დამოუკიდებლად მიუციათ ოპერაციების კეთების უფლება. 1951-1954წწ. ქუთაისის N1 საავადმყოფოს ქირურგად მუშაობდა; 1951-1953წწ. იყო ქუთაისის ოლქის ჯანდაცვის მთავარი ქირურგი; 1954-1961წწ. ქ. ქუთაისის ჯანგანის მთავარი ქირურგი; 1961-1963წწ. ქ. ქუთაისის კლინიკური საავადმყოფოს ქირურგიული განყოფილების უფროსი. კლინიკაში მუშაობის პარალელურად მეცნიერულ საქმიანობას ეწეოდა: 32 წლის ასაკში (1952). დაიცვა საკანდიდატო და 42 წლის ასაკში (1962) სადოქტორო დისერტაციები. 1965 წელს საშა ბეთანელი თბილისის ექიმთა დახელოვნების ინსტიტუტის აბდომინალური ქირურგიის კათედრის პროფესორად აირჩიეს და იძულებული გახდა, ოჯახთან ერთად თბილისში გადმოსახლებულიყო. 1989 წელს ჰემატოლოგიისა და სისხლის გადასხმის სამეცნიერო კვლევითი ინსტიტუტის ქირურგიული კლინიკის ხელმძღვანელად გადავიდა, სადაც 2010 წლამდე იმუშავა. დაწერა მონოგრაფია "ჰემატოლოგია ქირურგებისათვის", რომლის გამოცემაც თავის სიცოცხლეში ვერ მოასწრო. ჰემატოლოგიის ინსტიტუტის პარალელურად, 1997-2007წწ. ის იყო თბილისის ომის ვეტერანთა ჰოსპიტლის მთავარი ქირურგი. 50 წელზე მეტი ეწეოდა კლინიკურ, სამეცნიერო და პედაგოგიურ საქმიანობას. დაწერილი აქვს უამრავი სტატია, რომელიც ქართულ და საკავშირო წამყვან ქირურგიულ ჟურნალებში იბეჭდებოდა. იყო 273 სამეცნიერო ნაშრომის და 11 მონოგრაფიის ავტორი. მას აღწერილი აქვს 12 ახალი სიმპტომი და სინდრომი ქირურგიაში, არის ოთხი დაპატენტებული გამოგონების ავტორი. 2012 წლის 29 ივნისს, დაბადების 92 წლის იუბილეზე საქართველოს ექიმთა ასოციაციამ ალექსანდრე ბეთანელი საპატიო წევრად აირჩია და საპატიო მედალი გადასცა ქართული მედიცინის განვითარებაში გაწეული განსაკუთრებული დამსახურებისათვის. სხვადასხვა დროს მიღებული აქვს მადლობის სიგელები ქართულ ქირურგიაში გაწეული ღვაწლისთვის. ქირურგი. სოფიო კოსტანაშვილი - ბეთანელის შვილი.

წყარო: ქართველი კათოლიკე ექიმები, ნაწ.1. -თბ., 2024. -გვ.155-168

Awards and Honors

2005 - საქართველოს ქირურგთა ასოციაციის საპატიო მედალი
საქართველოს ქირურგიის განვითარებაში გაწეული დამსახურებისათვის
2002 - ღირსების ორდენი
2001 - ღირსების მედალი
1982 - გრიგოლ მუხაძის სახელობის საპატიო მედალი
დამსახურებისათვის სამამულო ქირურგიის განვითარების საქმეში

Bibliography

რა უნდა ვიცოდეთ "მწვავე მუცლის" შესახებ (Author). - თბილისი, საბჭოთა საქართველო, 1982. - 28გვ.
დიდი ცხოვრების ნათელი კვალი : პროფესორ ვალერიან კვერენჩხილაძის ცხოვრება და მოღვაწეობა [ქირურგი] (Author). - თბილისი, საბჭოთა საქართველო, 1979. - 88გვ.
რა უნდა იცოდეს პრაქტიკოსმა ქირურგმა წყლის, ელექტროლიტების ცვლისა და ენერგეტიკული ბალანსის შესახებ (Co-Author). - თბილისი, საბჭოთა საქართველო, 1977. - 141გვ.
წყლულოვანი დაავადების გამო კუჭის რეზექციის ოპერაციის შემდგომი გართულებები : პროფილაქტიკა, კლინიკა, მკურნალობა (Co-Author). - თბილისი, საბჭოთა საქართველო, 1976. - 149გვ.
საოპერაციო დის დასახმარებლად (Co-Author). - თბილისი, საბჭოთა საქართველო, 1976. - 44გვ.