ნანა აკობიძე

დაბადების ადგილი: სოფელი მახურა, ცაგერის რაიონი.

დაამთავრა თბილისის სახელმწიფო უნივერსიტეტის, ჟურნალისტიკის ფაკულტეტი 1997 წელს.

სტუდენტობის პერიოდიდან მუშაობდა გაზეთებში: "ახალგაზრდა ივერიელი", "დრო", "ახალი თაობა"; სტუდენტობის წლებში დააარსა გაზეთი "ექსპერიმენტი"; რამდენჯერმე იყო მივლინებული აფხაზეთის ომში, როგორც სპეციალური კორესპონდენტი; 1994 წლიდან არის ჟურნალისტთა ფედერაციის წევრი, საიდანაც მიღებული აქვს, "1998 წლის საუკეთესო ჟურნალისტის" სერთიფიკატი; 1999 წლიდან არის გაზეთ "ივერია ექსპრესის" რედაქტორი და ერთ–ერთი დამფუძნებელი; მონაწილეობს ჟურნალისტთა საერთაშორისო ცენტრის პროექტებში. არის რამდენიმე წიგნის ავტორი (პოეტური და პროზაული კრებულები), მათ შორის ორი პუბლიცისტური: "რაიკომის მდივანი – არადროული მანიფესტაცია" და "ადვოკატი რჩეულიშვილი". გამომცემელი, მედიამკვლევარი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.81; გამომცემლობა ინტელექტი: intelekti.ge

• ჟურნალისტთა ფედერაცია, წევრი (1994-)

• ადვოკატი რჩეულიშვილი (ავტორი). - თბილისი, ივერია-ექსპრესი, 2002. - 128გვ.
• ბებერი პოეტების ორდენი (ავტორი). - თბილისი, 1997. - 35გვ.